السلام عليكم انا ياسمين قرات مشكله غريبه من نوعها ويمكن اول مره اشوف كده وعايزه منكم تحلوها معايا
أنا شاب عندي 27 سنة، عِشت أكتر من قصة حب كانت كلها بتنتهي بحالة زهق، وغالباً بتكون مني؛ لأني باحس بعدم الانسجام والتفاهم وبانسحب بهدوء..
لحدّ ما قابلتها واتعرفت عليها، ووصلت معاها لدرجة تفاهم وتواصل غريب؛ بنفكر في نفس الحاجة في نفس اللحظة، بنفهم بعض من مجرد نظرات العينين!
وعلاقتنا اتحوّلت لقصة حب جميلة جداً؛ بس المشكلة إن عندها 35 سنة، ومتجوزة، وعندها ولدين، والمشكلة الأكبر إنها من ديانة تانية.
لفترة في علاقتنا كان بينّا علاقة جسدية؛ لكن أنا حسيت بتأنيب الضمير، وطلبت نوقّف أي علاقة جنسية بينّا، وهي كمان تقبّلت ده أوي، ووافقتني ومابقيتش عارف أعمل إيه.
ديانتها مافيهاش طلاق، وأنا الحب والحنان والتفاهم ده والحالة اللي هي عملتها في حياتي مش هاتنازل عنها، والمشكلة الأكبر في ضغط أهلي عليّ عشان أختار عروسة وأتمم جوازي.
بصراحة مش عارف أعمل إيه، وفي نفس الوقت مش عايز أبدأ حياتي مع أي واحدة تانية على الغشّ، وكمان مش هاقدر أبعد عن حبيبتي.
أنا في حيرة وبين نارين، بافكّر جدّياً إني أسافر وأبعد تماماً عن البلد كلها.. أرجو النصيحة وشكراً.................................