والله وحشتينى يا امى

والله وحشتينى يا امى

قالوا لى اكتب عن امى معرفتش اكتب ايه
دا كل حرف وكل كلمه بدمعه من العين
من صغرى وانا لوحدى بعيده عن حضنك ليه
وحشنى حضنك اوى يا امى ووحشنى نظرة عينيكى
كنت بنظره اخاف واجرى وافهم انك بتحظرينى
ميشيتى وقولتى هروح وارجع وعيزاكى بنجاحك تفرحينى
كنت اذاكر واجتهد عشان اشوف فرحت عينيكى
وفجأه لقيت نفسى بين ناس تحضنى وتوسينى
مبقتش عارفه ليه. ولما فهمت انك سبتينى وسبتى الدنيا يا نور عينى
بكيت وقلت ليه دانا كنت عيزه اشوفك ووحشنى حضنك يا امى
كنت اقول لابى نفسى اشوفها يقول خلصى امتحان وانجحى
وانا اوديكى . سبتينى ليه بس يا امى كان فاضل اسبوع واخلص
ومن يومها معرفتش انا بكتب ولا اقراء ايه
ولما كبرت واحتجتك اكتر واتعذبت فبعدك اكتر
كنت لما توحشينى امسك قلمى واحكيلك
ويوم فرحى كنت عيزاكى تفرحى وافرح وياكى
تلبسينى التوب لبيض وترقينى من عين حسادى
كنت محتاجه تحضنينى وطمنينى وتوعينى
كانت الناس دى فوادى وانا وحدى فوادى
كنت ببكى من خوفى ومن جوايا بناديكى
ولما مشاكل الدنيا جرحتنى
وناس شمتت منصفتنى مبقتش عارفه اشكى لمين همى
غير ربى واقوله صبرنى وبدعوت امى حصنى
ولما انجبت يا امى كان نفسى تكونى جمبى
كان جسمى بينزف والأطبه تعالج فيه لكن مهما يداونى
فى نزيف اكبر محدش يقدر عليه
كان قلبى بيبكى اكتر من دموع العين
عشرين سنه نفسى يا امى ابوس التراب اللى بتمشى عليه
وقول لو كنتى جمبى لأشيل حذائك على راسى
ولما جتلك اخر مرة اتمنيت تكونى شيفانى
وسمعه ولاادى وهما بيسلمو عليكى
شوفتى اد ايه كبرو كان نفسى تحضنيهم
وتحسى بحبى فيهم . والله بتمنى يا امى عمرى يجرى واضمك
وادعى ربى وقوله عجل بأمرى .والله امى وحشتنى
عشرين سنه فيهم سبتنى كفايه عليا كدا ياربى
والله امى وحشتنى .والله امى وحشتنى